Ciidamo ka qeybqaata sugidda amniga shirka Galmudug oo gaaray Dhuusamareeb

by nabad | Sunday, Aug 25, 2019 | 25 views

Qaban qaabo ku aadan qabsoomidda shirka dib-uheshiisiinta Galmudug ayaa ka socota magaalada Dhuusamareeb,halkaasi  oo ay gaareen ciidamo dheeraad ah oo ka socda dowladda Federaalka ah ee Soomaaliya.

Ciidamo ka tirsan booliska dowladda Federaalka  Soomaaliya ayaa saaka ka degay garoonka diyaaradaha magaalada Dhuusamareeb.,si ay uga qeybgalaan  adkeynta ammaanka magaaladaasi  oo martigelinaysa shirka dib uheshiisiinta Galmudug.

Ciidamadan ayaa ka howlgalaya xarunta lagu qabanayo shirka iyo garoonka diyaaradaha,si ay u xoojiyaan ciidamada ammaanka magaaladaasi.

Ammaanka magaaladaasi Dhuusa-mareeb ayaa si weyn loo adkeeyay,iyadoo ciidamo dheeraad ah lagu kordhiyay sugidda nabad geliyada magaaladaasi,sida uu ku soo waramayo wariyaha Warbaahinta Qaranka  Maxamed Deer Cabdi Maxamed.

Wasaaradda Arrimaha Gudaha Xukkuumadda Federaalka Soomaaliya ayaa dadaal ugu jirta dhismaha Galmudug loo dhanyahay,iyadoo gudigii dib uheshiisiinta uu shirar kala duwan uu la qaadanayo dhinacyada ay quseyso Arrinta Galmudug

The post Ciidamo ka qeybqaata sugidda amniga shirka Galmudug oo gaaray Dhuusamareeb appeared first on Allgalgaduud.Com.

Like it? Share it!

Leave A Response